En ce mercredi 17 mars, 5ème jour du "Printemps des Poètes", nous partageons l'un des poèmes de prédilection du Secrétaire Général adjoint du Council of Europe, Bjørn Berge.

 

EI FRIGJERANDE RÅK

Ei frigjerande råk

gjekk opp i det frosne hjarta.

Isen bråna for eit godt ord

og vatnet låg stilt og svart

med nye andedrag.

 

Over song det i trådane

frå vågsame spenn

mellom ulike sinn.

Ein lang boge

i det lette blå.

 

Alle slags kalde fiskar

vimsa fram og attende

og glodde.

Men det stille svarte vatnet venta

med utolmod,

og den første båten kom også utpå

som av seg sjølv

med målinga avflakna på sidene

etter vinters tid,

og vatnet og båten tala lågt

saman

om livsens sæle stunder.

 

Tarjei Vesaas (1897–1970), Lykka for ferdesmenn, Gyldendal Norsk Forlag, Oslo 1949.